MKUU wa Mkoa wa Pwani Mhandisi Evarist Ndikilo ametoa muda wa siku saba kwa watendaji wa mitaa, watendaji wa kata na wazazi wenye watoto waliofaulu kuingia kidato cha kwanza lakini hadi sasa wameshindwa kuwapeleka shule wanafunzi hao, kuwapeleka shule haraka watoto wanafunzi hao.
Mhandisi Ndikilo ametoa agizo hilo wakati wa ziara yake ya siku moja katika halmashauri ya mji wa Kibaha wakati akizungumza na watumishi na watendaji mbalimbali wa serikali na vyama vya siasa ambapo amesema kuwa mzazi ambaye atakaidi agizo hilo atapelekwa katika vyombo vya dola.
Mbali na hayo ameonesha kusikitishwa baada ya kuona baadhi ya maeneo ya Mkoa wa Pwani kuna wanafunzi wamefaulu na kupata nafasi ya kuingia kidato cha kwanza lakini mpaka sasa bado hawaja ripoti shuleni.