RAIS Barack Obama wa Marekani ameshambulia kile alichokieleza kuwa ni hofu ya kupita kiasi juu ya kitisho cha usalama kinachosababishwa na wakimbizi kutoka Syria.
Katika hatua isiyokuwa ya kawaida Rais Obama amewashutumu wapinzani wake kisiasa, kwa kuwaweka wajane na yatima katika kundi la wahalifu.
Hata hivyo Kupatikana kwa hati ya kusafiria ya Syria karibu na mwili wa mshambuliaji katika mashambulizi ya mjini Paris kumezusha hofu miongoni mwa wabunge wa Marekani na magavana kwamba wapiganaji wa jihadi wanajichanganya pamoja na wakimbizi ili kuendelea na mashambulizi hayo.
