eFM Radio

Tag: zanzibar

  • ZANZIBAR VIJANA WAHAMASISHWA KUOA WAJANE

    ZANZIBAR VIJANA WAHAMASISHWA KUOA WAJANE

    Mke wa Makamu wa Pili wa Rais Zanzibar, Asha Suleiman Iddi amesema wajane wengi wanaweza kuondokana na changamoto zinazowakabili iwapo vijana wataamua kuwaoa.

    Iddi alisema hayo katika utoaji wa zawadi kwa wanafunzi waliofanya vizuri katika mashindano ya kaswida yaliyoshirikisha madrasa 13 za Mkoa wa Mjini Magharibi.

    Alisema wakati umefika kwa wanaume kuona umuhimu wa kuoa kutokana na kuongezeka matukio ya ubakaji ambayo yanaitia aibu nchi.

    Iddi alisema jambo baya zaidi ni kuwa vitendo hivyo sasa vimehamia katika maeneo ya kusimamia masuala ya dini yakiwamo madrasa na misikitini, jambo ambalo linaifanya jamii kukosa amani katika maeneo yao.
    Alisema inasikitisha kuona hali hiyo ya ubakaji ikitokea kwa watoto wenye umri mdogo, wakati kukiwa na kundi kubwa la watu wenye kuhitaji waume wakiwamo wajane.
    #mwananchi

  • MAKAMU RAIS ZFA PEMBA AACHIA NGAZI

    MAKAMU RAIS ZFA PEMBA AACHIA NGAZI

    MAKAMU wa Rais wa Chama cha Soka Zanzibar (ZFA) Pemba, Ali Mohammed Ali, ametangaza rasmi kujiuzulu wadhifa huo.

    Makamu huyo ameungana na Rais wa chama hicho, Ravia Idarous Faina, Makamu wa Rais Unguja, Mzee Zamu Ali na Abdul Ghani Msoma.

    Akizungumza na waandishi wa habari Kisiwani Pemba, makamu huyo alisema hatua hiyo imekuja baada ya kujitathmini kwa kina na kuona tayari viongozi wenzake wameshaachia nyadhifa zao.

    “Baada ya kuona viongozi wenzangu wa juu wamejiuzulu nyadhifa zao, sina budi na mimi kujiuzulu kama walivyofanya wenzangu, kuanzia tarehe 13/6/2018,” alisema.

    Ingawa wamekuwa hawataki kuweka wazi kisa cha hali hiyo, inaelezwa kwamba suala la kikosi cha Zanzibar cha vijana kupeleka wachezaji wenye umri mkubwa katika michuano ya Shirikisho la Soka la Afrika Mashariki na Kati (Cecafa) ndicho chanzo kikubwa.