WATU zaidi ya 70 wameuawa kutokana na mashambulio ya mabomu ambayo kundi la magaidi wanaoitwa Dola la Kiislamu limedai kuyafanya karibu na sehemu takatifu ya Washia nje ya mji mkuu wa Syria, Damascus.
Kwa mujibu wa taarifa iliyotolewa na kituo kilichopo mjini London, kinachofuatilia haki za binadamu nchini Syria, watu hao waliuawa kutokana na miripuko miwili ya mabomu karibu na sehemu hiyo takatifu, Sayyida Zeinab.
Watoto kadhaa walikuwamo miongoni mwa walioangamizwa huku Watu wengine zaidi ya 100 wakijeruhiwa.
