JESHI la Misri limesema wanamaji wake 8 hawajulikani walipo baada ya kile ilichokiita shambulizi la Kigaidi dhidi ya boti yake iliyokuwa ikifanya doria kwenye bandari za nchi hiyo katika bahari ya Mediterania.
Msemaji wa jeshi hilo Brigedia Jenerali MOHAMMED SAMIR amesema kupitia ukurasa wake wa Facebook kwamba boti iliyofanya shambulizi hilo imeharibiwa na kwamba wavamizi 32 wamekamatwa.
Mapema leo, Shirika la Habari la Misri, MENA limesema washambuliaji waliokuwa ndani ya boti 3 wameishambulia kwa bunduki boti ya doria ya Jeshi Kaskazini mwa bandari ya Damietta, na kurushiana risasi.
