WAZIRI wa Ardhi, Nyumba na Maendeleo ya Makazi, Mheshimiwa WILLIAM LUKUVI amesema Serikali itahakikisha inapambana na watu wote wanaoendesha vitendo vya dhuluma, matapeli na wanaonyang’anya viwanja, majengo, mashamba na ardhi za wanyonge.
Waziri LUKUVI ametangaza azma hiyo wakati akijibu baadhi ya hoja za Wabunge waliochangia Taarifa ya Kamati ya Bunge, ya Ardhi, Maliasili na Mazingira iliyowasilishwa na kupitishwa Bungeni mjini Dodoma.
Amebainisha kuwa anatambua kwamba hasa maeneo ya mijini kuna dhuluma nyingi zinafanyika ambapo Masikini, Yatima na Wajane wanadhulumiwa na kunyang’anywa ardhi na majengo yao.