MAAFISA wa Marekani wamesema vikosi vya jeshi la Marekani vimefanya shambulio nchini Somalia dhidi ya kiongozi mwandamizi wa kundi la al-Shabaab.
Shambulio hilo lililofanywa Januari 31 kwa kutumia ndege isiyo na rubani kusini mwa mji mkuu Mogadishu lilimlenga Yusef Dheeq , mkuu wa operesheni za nje na mipango ya upelelezi na usalama wa kundi hilo. Hata hivyo haijathibitishwa iwapo ameuwawa katika operesheni hiyo.
Shambulio hilo ni kampeni inayoendelea dhidi ya kundi la al-Shabaab, ambalo uongozi wake una mafungamano na kundi la al-Qaeda.