Raheem Sterling arejesha matumaini kwa klabu ya soka ya Liverpool kuingia kwenye top four kwenye ligi ya Uingereza lakini pia kujihakikishia nafasi kwenye msimu ujao wa ligi ya mabingwa baada ya kuichabanga 2-0 klabu ya Newcastle United katika uwanja wa Anfield hapo jana.
Kikosi cha Newcastle United kilimpoteza nahodha wa timu hiyo Moussa Sissoko alietolewa nje ya mchezo kwa kadi kwenye dakika ya saba
Sterling mwenye umri wa miaka 20 ameingia kwenye wakati mgumu kufuatia kunaswa kwa video inayomuonesha akivuta shisha siku ya jumapili hivyo basi kwa sasa ataingia kwenye uchunguzi maalum kutoka kwenye klabu yake ya Liverpool
Video hiyo inamuonyesha mchezaji huyo akivuta shisha na marafiki zake na baadae anaonekana hajitambui kabisa kutokana na kilevi kilichomo ndani yake ambapo inasadikika kuwa video hiyo ilichukuliwa siku moja kabla ya mechi
