MTANDAO wa Jinsia Tanzania –TGNP umewataka Wanawake nchini kuacha tabia ya kuwa tegemezi na badala yake wajishughulishe na kujikwamua kiuchumi ili kuepukana na ukatili wa Kijinsia unaowakabili baadhi ya Wanawake wategemezi.
Hayo yamesemwa jijini Dar es Salaam na Afisa Habari wa TGNP DEO TEMBA, alipokuwa akizungumza na Kituo hiki juu ya upingaji wa Ukatili dhidi ya Wanawake na Watoto.
Amesema kuwa, katika uchunguzi uliofanywa na mtandao huo, umebaini kuwa, kwa asilimi kubwa ukatili wa Kijinsia unawakabili Wanawake ambao hawajawezeshwa Kiuchumi hasa katika maeneo ya pembezoni.
