RAIS wa Jamhuri ya Muungano wa Tanzania dokta JAKAYA KIKWETE amemteua ANTHONY MAVUNDE kuwa Mkuu wa Wilaya ya Mpwapwa Mkoani Dodoma.
Kwa mujibu wa taarifa iliyotolewa na kurugenzi ya mawasiliano Ikulu jijini Dar es salaam imesema kuwa Rais amefanya uhamisho wa wakuu wa Wilaya kumi kwa nia ya kuongeza ufanisi katika uongozi wa Wilaya mbali mbali nchini.
Katika mabadiliko hayo amemhamisha Luteni EDWARD OLE LENGA kutoka Wilaya ya Mkalama Mkoani Singida kuwa mkuu wa wilaya mpya ya Kyerwa Mkoani Kagera ambapo amechukua nafasi iliyoachwa wazi na Luteni Kanali BENEDICT KITENGA aliyefariki dunia Aprili 20 mwaka huu.
