VYAMA vya siasa vya upinzani nchini vimetakiwa kuwa makini katika kusimamisha wagombea hasa katika kipindi hiki cha kuelekea uchaguzi mkuu ili kuepukana na wagombea wanaotumia fedha katika kupata madaraka.
Kauli hiyo imetolewa Jijini Dar es Salaam na Mwenyekiti wa chama cha Alliance for Democratic change – ADC- Saidi Miraji alipokuwa akizungumza na waandishi wa habari kuhusu hali ya siasa nchini ambapo ameviasa vyama kusimamia msimamo yake.
Amewashauri kuwaweka wagombea ambao wanafahamu kwa undani na kuzingatia misingi ya itikadi za vyama vyao, wenye msimamo na maadili katika kuleta Demokrasia ya kweli katika maendeleo ya nchi na sio viongozi wanaofanya siasa kwa matakwa yao binafsi.