VYAMA vinavyounda Umoja wa Katiba ya Wananchi- UKAWA- Vimesaini Waraka wa Ushirikiano katika Kugombea nafasi za madiwani kwenye Uchaguzi Mkuu ambapo vitakua na Mgombea mmoja ataewakilisha vyama hivyo kwa kila kata.
Waraka huo umesainiwa leo na Makatibu wakuu wa vyama hivyo mbele ya Waandishi wa habari huku Chama cha NLD kikiwakilishwa na Katibu Mkuu Tozzy Matwanga, Chama cha CUF Naibu Katibu Mkuu Magdalena Sakaya, Chama cha NCCR Mageuzi Kaimu Katibu Mkuu Dokta George Kahangwa na CHADEMA Naibu Katibu Mkuu John Mnyika ambapo wamekubaliana Mgombea anayekubalika zaidi ndiye atakaepewa nafasi.