IMEELEZWA kuwa kukosekana kwa huduma ya umeme katika baadhi ya vituo vya afya Jijini Mwanza kumesababisha kuzorota kwa upatikanaji wa huduma katika vituo hivyo.
Zainabu Chambo ni Muuguzi kutoka zahanati ya Buhongwa iliyopo wilaya ya Nyamagana Jijini humo amesema hali hiyo husababisha mama wajamzito kwenda kutafuta zahanati nyingine kwa umbali mrefu kwaajili ya kupatiwa huduma hali inayowalazimu kutoa kiasi kikubwa cha fedha.
Zainabu amesema kitendo cha kukosekana kwa umeme kimewawia vigumu wao kufanya ufuatiliaji na kujua nani ana matatizo na wanaoathirika zaidi ni wakinamama ambao wanaujauzito wa kwanza.