KUFATIA uwepo wa viashiria vya kunyesha mvua nyingi zinazosababishwa na Elnino ambazo mara nyingi husababisha mafuriko, Mamlaka ya hali ya hewa nchini-TMA- wamezitaka mamlaka za serikali na taasisi binafsi kuandaa mapema mazingira yatakayosaidia kuepukana na athari za mafuriko hayo.
Akizungumza na Waandishi wa habari jijini Dar es Mkurugenzi mkuu wa Mamlaka ya hali ya hewa nchini Dokta Agnesi Kijazi amesema ni vyema kwa sekta ya uchukuzi ambayo mara nyingi huathirika zaidi pindi mafuriko yanapotokea kuandaa mazingira ya kukabiliana na uharibifu wa miundombinu.
Dokta Kijazi ameitaka menejimenti ya maafa kuandaa mazingira mapema ikiwa ni pamoja na kutenga fungu la kukabiliana na hali ya mafuriko yanayotarajiwa kuwa kama yale ya mwaka 1997 au zaidi huku akiwataka wananchi waishio mabondeni kuhama maeneo hayo ili kuepusha maafa makubwa kutokea.