WAZIRI wa ujenzi Dkt JOHN POMBE MAGHUFULI amesema kuwa Serikali ya awamu ya tano itahakikisha inapandisha uchumi kutoka uchumi wa chini na kufikia uchumi wa kati ambapo wahandisi watatumika kwa kiasi kikubwa kupandisha uchumi huo.
Akizungumza jijini Dar es Salaam,wakati wakufunga mkutamo wa 13 wa siku ya wahandisi Tanzania inayofanyika mwanzoni mwa mwezi Septemba kila mwaka, uliondaliwa na Bodi ya Usajili wa Wahandisi-ERB. Mheshimiwa MAGUFULI amesema kuwa wahandisi wa Tanzania wamefanya kazi kubwa katika kuchochea uchumi wa nchi hivyo ana imani serikali ya awamu ya tano kwakuwatumia wahandisi hao watazidi kuongeza uchumi wa nchi.
