Mgombea wa Urais wa Marekani aliyekuwa akiwania kuteuliwa kugombea nafasi hiyo kwa tiketi ya chama cha Republican- Scott Walker amejiondoa katika kinyang’anyiro hicho.
Walker ambaye alikuwa gavana wa jimbo la Winscosin amesema amejiondoa katika kampeini hizo ili kutoa nafasi kwa uteuzi wa mgombea muafaka atakayekabiliana na Donald Trump.
Mgombea huyo ambaye alikuwa akiungwa mkono kwa wingi na wafuasi wa mrengo wa kulia, lakini hata hivyo kiwango chake kilishuka katika kura ya maoni baada ya kufanya vibaya katika midahalo aliyoshiriki.