OFISI ya Msajili wa Vyama Vya Siasa imewaasa na kuwataka viongozi wote wa vyama vya siasa kutoa kauli na maelekezo kwa wafuasi wao na wanachama wa vyama vyao kutoshiriki katika aina yoyote ile ya uvunjifu wa amani.
Hayo yamesemwa na Msajili wa Vyama Vya Siasa, Jaji Francis Mutungi wakati akizungumza na waandishi wa habari ofisini kwake jijini Dares Salaam.
Jaji Mutungi amesema kuwa Dhamana ya nchi ipo mikononi mwa wananchi hivyo ushawishi wowote ule wa uvunjifu wa Amani unaweza kuliingiza Taifa katika machafuko yasiyo ya lazima.