KITUO cha sheria na haki za binadamu wilayani Tarime Mkoani Mara kupitia mkurugenzi wake mtendaji Bonny Matto wamelipongeza Jeshi la polisi Kanda maalumu Tarime kwa kuimalisha ulinzi na usalama katika kipindi cha Uchaguzi.
Matto amesema kuwa kwa upande wa Tarime uchaguzi wa madiwani, wabunge na rais umefanyika kwa amani na umekuwa wa kihistoria kwani wananchi walijitokeza kwa wingi katika upigaji kura.
Amefafanua kuwa hayo yote ni matokeo ya juhudi za mashirika ya kiserikali na yasiyokuwa ya kiserikali na viongozi wa dini waliojitokeza kutoa elimu ya mpiga kura kwa watanzania.