WITO umetolewa kwa Watanzania kuungana kwa pamoja na kufuata mafundisho yanayo jenga amani katika nchi na kuacha mafundisho ambayo yana weza kuleta mfalakano ili kuilinda amani ya nchi iliyopo.
Wito huo umetolewa Jijini Dar es salaam na Mkuu wa Usalama wa jeshi la wananchi wa Tanzania -JWTZ Meja Jenerali VENANCE MABEYO wakati wa uzinduzi wa utafiti uliofanywa na taasisi isiyo ya kiserikali ya TWAWEZA ambao ulilenga kuangalia matukio ya kiitikadi ambapo amesema kuwa sababu kubwa inayo sababisha vitendo hivyo kuwepo katika jamii ni vijana wengi kutokuwa na ajira na badala yake wanajikuta wakijiunga kwenye vikundi vya uhalifu.
