SHIRIKA la kutetea haki za binadamu la Amnesty International limesema jana kuwa muungano unaoongozwa na Saudi Arabia umeshambulia kwa mabomu shule nchini Yemen, na kukiuka sheria za kimataifa za kiutu na kuzuwia maelfu ya watoto kupata elimu.
Shirika hilo lenye makao yake makuu mjini London limeyataka mataifa yote ambayo yanaupatia silaha muungano wa kijeshi unaoongozwa na Saudi Arabia , ikiwa ni pamoja na Marekani na Uingereza, kusitisha upelekaji wa silaha ambazo zinatumika katika ukiukaji huo wa sheria za kimataifa.