MSANII mkongwe wa muziki wa dance Tanzania, Ramadhan Masanja maarufu Banza Stone amefariki dunia leo mchana baada ya kuugua kwa muda mrefu.
Akizungumza na efm kwa njia ya simu, kaka wa Marehemu Jabir Masanja amethibitisha kutokea kwa msiba huo na kwamba taratibu zote zinafanyika nyumbani kwao Sinza jijini Dar es salaam.
Kwa mujibu wa ndugu wa marehemu, Banza alikuwa anasumbuliwa na fangasi waliokuwa wanamshambulia kichwani (ubongo) na shingoni.
EFM inatoa pole kwa ndugu jamaa na marafiki na Wapenzi wa Muziki wa Dansi nchini Tanzania.
Mwenyezi Mungu ailaze roho ya marehemu mahali pema peponi. AMEN
