CHAMA CHA MAPINDUZI -CCM kimeibuka kidedea katika Wilaya ya Kinondoni , baada ya kunyakua viti 132 kikifuatiwa na Chama Cha Demokrasia na Maendeleo- CHADEMA 34 na Chama Cha Wananchi-CUF 16.
Ofisa Uchaguzi wa Manispaa hiyo, VALENCE URASSA amesema Ccm imeshinda viti hivyo katika Mitaa 197 ya Wilaya hiyo huku Mitaa Miwili ikiwa haijafanya kabisa uchaguzi na 14 ikiharishwa.
Amebainisha kuwa Mitaa hiyo 14 inatarajiwa kufanya uchaguzi wake Disemba 21mwaka huu, na baadhi ya taratibu za maandalizi zimeanza kukamilika.
Ameitaja baadhi ya Mitaa hiyo kuwa ni Mabibo, Mikocheni B, Ally Maua B, Mtaa wa Pwani , Tegeta,Kibwegere, Bwawani, Mtaa wa Mwinyi Mkuu, Mtambani na mingineyo.
