FAMILIA yenye watoto saba iliyotelekezwa katika mtaa wa Igelegele wilayani Nyamagana Mkoani Mwanza imepewa makazi ya muda na balozi wa mtaa huo baada ya kuteseka kwa muda mrefu.
Akizungumza na kituo hiki mmoja wa mtoto wa familia hiyo aliyefahamika kwa jina moja la Grece amesema makazi hayo ya muda yamewasaidia kwa kiasi kikubwa kwani mwanzo walikuwa wakilala nje na hawakuwa na chakula.
Hata hivyo amesema kuwa kwa upande wa masomo ameathirika kwa kiasi kikubwa kwani toka shule imefunguliwa hajahudhulia masomo kutokana na kukosa sare za shule.