KIONGOZI mashuhuri wa Singapore, anayejulikama kama baba wa taifa hilo , Lee Kuan Yew amefariki dunia.
Serikali ya nchi hiyo imetangaza hii leo kwamba Lee mwenye umri wa miaka 91 alilazwa hospitalini mapema Februari akiwa anaugua ugonjwa wa kichomi, na amekuwa akipumua kwa kutumia mashine katika kitengo cha wagonjwa mahututi tangu wakati huo.
Rais wa Marekani Barack Obama ametuma salamu zake za rambi rambi na kumuelezea Lee kuwa mtu aliyeona mbali. Nae katibu mkuu wa Umoja wa Mataifa Ban Ki-moon amesema amesikitishwa mno na kifo cha Lee , na kusema alikuwa mtu muhimu katika bara la Asia.
