Tanzania kuchuana na Uganda kwenye mechi ya ufunguzi ya michuano ya Afrika Ligi Daraja la 1 inayotarajiwa kufanyika katika mji wa Benoni huko nchini Afrika kusini
Timu teule ya mchezo huo wa Kriketi tayari imeondoka nchini kuelekea Afrika ya kusini kujiandaa na mchezo huo
Kikosi hicho cha Tanzania kinaongozwa na nahodha Hamisi Abdallah mwenye uzoefu wa kushiriki michuano ya kimataifa ya mchezo wa kriketi akiichezea Tanzania kwa nafasi hiyo zaidi ya miaka 10 huku akiwa na rekodi ya kucheza kriketi nchini Uingereza katika klabu ya Watford Town.
Nahodha huyo amekizungumzioa kikosi cha Uganda kuwa sio timu ngeni na wanaichukulia mechi yao kwa umuhimu mkubwa.
Nchi nyingine zinazotarajiwa kushiriki kwenye michuano hiyo ni pamoja na Kenya, Namibia, Botswana na Ghana.