POLISI katika jimbo la Louisiana nchini Marekani wamesema kuwa mtu mmoja aliyejihami kwa bunduki amewafyatulia risasi raia katika ukumbi wa sinema na kumuua mtu mmoja na wengine sita wamejeruhiwa , na mshambuliaji mwenyewe pia amejiua. Walioshuhudia wanasema kuwa walimuona mtu mmoja, mzungu wa umri wa miaka 50 au zaidi, amejitokeza kunako dakika ishirini baada ya filamu kuanza , na kisha kuanza kufyatua risasi kiholela. Tukio hilo limetokea saa chache tu baada ya Rais Barack Obama kuzungumzia tatizo la udhibiti wa silaha nchini Marekani.