MAREKANI imefanya shambulio lake la kwanza la mabomu dhidi ya wanamgambo wa Dola la Kiislamu kutokea Uturuki.
Afisa wa Uturuki amesema ndege isiyokuwa na rubani iliruka kutoka kituo cha jeshi la anga kusini mwa nchi hiyo, na kushambulia maeneo karibu na Raqqa nchini Syria.
Viongozi wa mataifa ya magharibi wamekuwa wakiitaka Uturuki muda mrefu kuchukua jukumu kubwa zaidi katika mapambano dhidi ya IS, lakini serikali ya Uturuki ilikaa kando kwa miezi kadhaa.
