Nyota wa Argentina Javier Mascherano amewaomba wadau na wapenzi wa mpira wa miguu kuwa na utulivu kuelekea fainali kati yao na wapinzani wao Chile.
Timu hizi mbili zitakutana siku ya jumamosi huko Santiago huku mwenyeji wa michuano hiyo Chile wakiwa na shauku ya kumaliza karibu karne ya kushindwa kutwaa taji kwenye michuano mikubwa huku wakishuhudiwa na mashabiki wa nyumbani.
Wakati huohuo pia Argentina wanateswa na hamu ya kushinda taji la kwanza katika kipindi cha miaka 22, wakitazama zaidi ubora wa kikosi walichonacho ambapo hawatamani kuona wanakosa tena taji hili kubwa kama walivyokuwa wakikosa katika misimu ya nyuma
Mataifa haya mawili yamekuwa na migogoro ya kidiplomasia lakini Mascherano ameyataka mataifa yote kuweka tofauti zao pembeni na kuungana katika michezo kwani mpira sio vita hivyo watumie mchezo huo kuimalisha ushirikiano wao
