RAIS wa Jamhuri ya Muungano wa Tanzania Dokta John Magufuli, ametoa zawadi ya vitu mbalimbali ikiwemo vyakula vyenye thamani ya Shilingi milioni 8 kwa watu walio katika makundi maalum wakiwemo watoto wanaoishi katika mazingira hatari.
Akikabidhi msaada huo kwa niaba ya Rais, Kamishna wa Ustawi wa Jamii kutoka Wizara ya Afya Maendeleo ya Jamii, Jinsia, Wazee na Watoto, Rabikira Mushi amesema zawadi hizo zinalenga kuwasaidia makundi hayo kusherehekea sikukuu kwa furaha kama watu wengine.
Amevitaja baadhi ya vituo hivyo kuwa ni Makao ya Taifa ya watoto yatima Kurasini, mahabusu ya watoto Upanga, Makao ya Wazee na wasiojiweza Nunge Kigamboni na Chuo cha Ufundi kwa watu wenye ulemavu Yombo.