SERIKALI imeombwa kutoa ushirikiano katika juhudi mbalimbali za kimaendeleo zinazofanywa na Mtandao wa wasanii Tanzania kwa lengo la kuimarisha maisha ya wasanii,wanamichezo na wanahabari kote nchini.
Rai hiyo imetolewa leo jijini Dar es salaam na Mwenyekiti wa Mtandao wa wasanii Tanzania Casim Taalib alipokuwa akizungumza na waandishi wa habari kuhusu mafanikio yaliyopatikana katika mtandao huo tangu uanzishwe miaka 10 iliyopita.
Taalib amesema kuwa hadi sasa wamefanikiwa kujenga nyumba 104 za wanachama wake katika eneo la Ekari 800 lililopo Mwandege Mkuranga.