VIONGOZI mbalimbali wameanza kuwasili nchini kwa ajili ya kushiriki sherehe za kuapishwa kwa Rais wa Jamhuri ya Muungano wa Tanzania hapo kesho Novemba tano.
Miongoni mwa Viongozi wanaotarajiwa kushiriki sherehe hizo ni pamoja na marais Uhuru Kenyatta wa Kenya, Robert Mugabe wa Zimbabwe, Yoweri Kaguta Museveni wa Uganda, Paul Kagame wa Rwanda, Jacob Zuma wa Afrika Kusini , Joseph Kabila wa DRC, Filipe Nyusi wa Msumbiji na Edgar Lungu wa Zambia.
Akiwa amevuta hisia za watu wengi hususani Waamini wa Dini ya Kikristu, Mhubiri maarufu kutoka Nigeria TB Joshua atakuwa pia ni miongoni mwa wageni mashuhuri watakaohudhuria sherehe hizo za kumuapisha Dokta John Pombe Magufuli kuwa rais mpya wa Tanzania awamu ya tano .