WANAFUNZI 10 kutoka vyuo Vikuu vya Bufalo na Empire vya Marekani wamewasili nchini kwa ziara ya mafunzo kwa mwaliko wa Mbunge wa Jimbo la Temeke, Mheshimiwa ABBAS MTEMVU.
Akizungumza na Waandishi wa habari Uwanja wa Ndege wa Kimataifa wa Julius Nyerere Dar es Salaam mara baada ya kuwapokea Wanafunzi hao ambao wanaongozwa na Profesa DAN NYARONGA, Mbunge wa Temeke ABBAS MTEMVU amesema wageni hao watapata fursa ya kutembelea miradi mbalimbali iliyopo katika Jimbo lake pamoja na Kampuni yake ya Bravo Job Centre Agency Ltd.