WANAJESHI watano wa Ukraine wameuawa katika mapigano karibu na mji unaoshikiliwa na serikali wa Maryinka, ambako waasi wanaoipendelea Urusi wakijaribu kusonga mbele.
Msemaji wa Ikulu mjini Kiev Yuri Biryukov, amesema kuwa katika ukurasa wake wa Faceboock, kwamba raia 39 wa Ukraine wamejeruhiwa katika mapigano hayo.
wizara ya ulinzi ya Ukraine imesema kwamba waasi wanaotaka kujitenga, wakitumia vifaru na mizinga walijaribu kuviteka vituo vya serikali karibu na Maryinka, mashariki mwa mji unaoshikiliwa na waasi wa Donetsk, ikiwa ni kinyume na usitishaji mapigano uliotangazwa mwezi Februari.
Hata hivyo taarifa ya wizara hiyo imesema kuwa waasi hao wamerudishwa nyuma na majeshi ya serikali.
