ILI Kuhakikisha Amani inakuwepo hususani katika kipindi hiki cha Uchaguzi mkuu October 25 watanzania wameshauriwa kufuata sheria zote za uchaguzi kama zilivyoelezwa na tume ya uchaguzi nchini na kuhakikisha kuwa hawafanyi matendo yoyote yatakayopelekea uvunjifu wa Amani.
Hayo yamesemwa leo jijini Dar es salaam Katika vikao vya Kamati ya wabunge wa nchi za ukanda wa Maziwa makuu- ICGLR waliopo nchini kwa ajili ya kuangalia mchakato mzima wa uchaguzi unavyoendeshwa.
Rais wa kamati hiyo PETER OLE MOSITE ameeleza kuwa watanzania hawatakiwi kuwa na hofu kuhusu haki katika uchaguzi na kwamba suala zima la tofauti za itikadi linatokea pia katika nchi mbalimbali duniani na ni ishara kubwa ya kwamba Demokrasia inakua nchini.