WAZIRI MKUU Kassim Majaliwa amefungua tawi la Benki ya Posta iliyopo mjini Songea, wakati akiwa katika ziara mkoni Ruvuma inayotarajiwa kumalizika kesho, jumatano.
Akizungumza na uongozi na wafanyakazi wa Benki ya Posta pamoja na wateja waliohudhuria ufunguzi wa tawi hilo uliofanyika nje ya benki hiyo, Waziri Mkuu amesema amefarijika kuona benki hiyo iliyokua imekumbwa na matatizo sasa imezaliwa upya na kumpongeza Mkurugenzi wa Benki ya Posta nchini Bwana. Sabasaba Mushindi kwa jitihada zake za kuifufua.
