MAHAKAMA ya juu nchini Malaysia leo imethibitisha hukumu ya awali dhidi ya kiongozi wa upinzani Anwar Ibrahim kwa kosa la kufanya mapenzi na mwanamme mwenzake, kesi inayoangaliwa nje na ndani ya nchi hiyo kuwa ni njama ya kisiasa kumaliza mwanasiasa huyo ambaye ni kitisho kwa serikali.
Jaji wa mahakama ya Shirikisho Arifin Zakat amesema madai ya msaidizi wa Anwar kuwa alimtongoza na kuwa na uhusiano naye yana uzito na kwamba hukumu ya kifungo cha miaka mitano jela iliyopitishwa na mahakama ya rufaa mwaka jana ni sahihi.
Kushindwa kwa rufaa yake, kunamaanisha kuwa kiongozi huyo wa upinzani anarudi tena gerezani.
