HELIKOPTA ya kijeshi ya Nigeria imeanguka katika eneo la Kaskazini Mashariki mwa nchi hiyo , ikiwa ni Helikopta ya pili kupata ajali kwa muda wa chini ya wiki mbili .
Ajali ya hivi karibuni imetokea katika viunga vya mji wa Yola, mji mkuu wa jimbo la Adamawa ambako kwa sasa jeshi linahangaika kukabiliana na Uasi wa wanamgambo wa Jihad.
Kuna taarifa kutoka jimbo hilo kuwa wapiganaji wa Boko Haram wamekuwa wakiwasukuma wanajeshi nje ya mji muhimu uliopo karibu na mpaka wa Cameroon .
Wanafunzi katika chuo kikuu cha Modibbo Adama kilichopo katika mji wa Yola wamebainisha kuwa wamesikia Helikopta ikianguka karibu na chuo chao .
