IDARA ya Ajira Sekretarieti ya Ajira katika Utumishi wa Umma imetoa rai kwa vijana wote nchini waliopo shuleni kujikita zaidi kwenye taaluma ya masomo ya sayansi kwani sekta ya Sayansi ni moja ya Sekta yenye uhitaji mkubwa wa wataalam hao katika Nyanja mbalimbali za utumishi wa umma.
Rai hiyo imetolewa leo Jijini Dar es Salaam na Katibu Msaidizi kutoka Idara ya Ajira katika Utumishi wa Umma MALIMI MUYA alipokuwa akizungumza na waandishi wa habari.
Bwana MUYA amefafanua kuwa uhaba wa wataalamu hao unapatikana hususani kwenye sekta za gesi, mifugo, kilimo sanjari na mafundi mchundo.